أحبـ ـك كثر ماتنبت على خد الثرى اشعاري
كثر ما الشمس تمطر نور وكثر الحزن في عيني
أحبـ ـك لين يصير الحب ثوبي وقوتي وداري
وأحبـ ـك لين مل الصبر وعيا لا يواسيني
وهبتك للاسف روحي وعمري واجمل ازهاري
وزرعتك والسبب ضعف جروح في بساتيني
ورغم حبي واخلاصي وعشقي الصادق العاري
رحلتي وصارت الغربه خناجر في شراييني
كرهت الأمس والصدفه واقدامي واقداري
وكل اللي جمع في يوم ما بينك وبيني
وصرت اركض ابي ادفن في عين الشمس اصراري
وكل اللي بقا منك وكل اللي بقا فيني
جمعت الحب في كلمة هديتك عذر لأعذاري
جمعتي لي الجفا بكلمه وفي كلمه جمعتيني
تلحفت الوجع لأجلك وصرتي دمي الجاري
تبعتك لو أمل كاذب يضحكني ويبكيني
نويت وكانت القصه بدا والحزن مشواري
كأن جروح خلق الله غدت عقبك عناويني
رحلت وكانت الغربه وظل هناك تذكاري
وحلم اني بعد كم عام اشوفك أو تشوفيني
مضيت وصورتك نجمه يداعب ضيها افكاري
وأصد وصورتك في عيني ودمعه فوق خديني
مظاهر هالجفا والكره كانت آخر ادواري
تناسى مانسى قلبي ولو انك نسيتيني
وصيتي تذكريني بخير اذا ماجابوا الطاري
واذا ما مات حب الكون قصيدة حب غنيني
ياأجمل من هنا الماضي فمان الحافظ الباري
ترى مابه في هالدنيا سوى موتي ينسيني
ألم .. هم .. وفرح اصغر وهذي آخر اخباري
وامانه ان كان باقي جرم خذيه ولا تزيديني
وهذا آخر احساس القصيد ونبض انهاري
واذا قد بدا تقصير فليتك لو تعذريني
الخميس 17 أبريل 2008 - 16:42
