شارع والخنفساء

هالموضوع إهداء صغير لهذه الشخصيه الكبيره اللي ما حببني بالإقلاع من زمان الا هو...
لكن كان حب من طرف واحد للأسف شارع والخنفساء 060

خخخخ

عاد المهم...والله إني تعبت فيه ..فياليت من اصحاب الردود من نمونه ((لي باك)) ... ((وموضوعك طويل ولكن لي رجعه)) إنهم ما يردون ابد يعني عادي انزل موضوع ثم ارد انا اشكر نفسي ولا القى مثل ذي الردود شارع والخنفساء 060

سالفتنا اليوم...سالفة صدقيه ( بالحيل..

وعرضوا علي دزني لاند يصورونه فلم لكن انا عييت وآثرت المنتدى.. شارع والخنفساء Biggrin

سالفتنا اليوم.عن واحد من الجيران..اسمه (شارع)...

يقولكم ..والذمه على الراوي

ابو شارع يوم سما ولده بذا الأسم استغربوا منه كل الجماعه والجيران ...وانا بعد بالبداية استغربت هالأسم..
لكن انقشعت غمامه الإستغراب والإستفهام مني يوم عرفت ان اسم مرته يطلع (قشعه) شارع والخنفساء Confused

فطلع اول ولد اسمه شارع..والثاني خلوه جلنط ..واللي بعده تسعات (999) واذا جت بنت يخلونها (مخالفه) فعياله صايرين حوادث لا أسماً ولا شكلاً ..الله لا يبلانا

فمثل ما تشوفون عاش الولد شارع في بيئة كلها حوادث ومصادمات
وزياده على سوء حسن الذوق اللي ورثه من ابوه
فهو لديه وجه الله لا يوريكم >>اظنه وارثه من امه

فتح عيونه اول مره بالمستشفى وهو مدنق راسه يحتري ابوه يذن بإذنه..لكن الفاجعة الكبرى انه لقى ابوه يتهاوش مع امه على الحلاو اللي جاهم هديه بولادته
الأم تقول انا اللي حامله فيه وتعبانه من ولادته يعني الحلاو والجاتوه لي >>زارفة كلمة جاتوه من الممرضه
والأبو يقول ايه هين روحي نامي بالصاله لحالتس ونشوف تحملين والا لاء..والا انا لو اني خامد عند عنز كان جابت لي..عاد والله إن خلوقه خلوق عنز لا راح ولا جا..
>>شكل ابو شارع ما سمع بالخيانه الزوجيه شارع والخنفساء Confused

وفي وسط كل هالمناوشات والتراشق الكلامي بين ابوه وامه..كان الدكتور يواسيه ويحاول يقنعه ان هذا القدر والمكتوب ولازم يصبر..وهو جالس يصيح وينشق خشمه بمريول الممرضه
ولو يقدر يتكلم كان قالهم تكفون تبنوني  شارع والخنفساء Frown

ترعرع اخونا شارع ..في مجتمع لا يرحم الشيون ابد..

وظل يستقبل من الذبات والتطنز والشماته ما الله به عليم..
في البيت في المدرسه ..حتى بالباص
فأصبح مذموماً مدحورا..>>صار ابو لهب ما صار شارع شارع والخنفساء Confused

لدرجه ان عيال الباص حاشرينه بالأبنص تحت رجلين السواق.. والسواق يقوله..وهو يدعس
ضاحكين عليه يقولون له عشان تتعلم السواقه من الأساسيات..(يا عين ابو طبعتن على وجهه من كندرة السواق
وفي المدرسه بحصة الرياضه يخلونه ياقف ويفتح رجوله كبري والعيال يلعبون باب واحد..)المدرسه ما عندهم قده...( ما يحتاج اقولكم ان الكوره قوطي معفوط
وفي حصة الجغرافيا يسدحه المدرس على الطاوله عشان يشرح على جبهته درس التضاريس
وفي حصة العلوم يغطسونه بسطل ويخلونه ينسم الهوى بخشمه إذا ما استوعبوا الطلاب كيفية تنفس الزواحف البرمائيه
والمشكلة هو اللي يروح يشري لعيال صفه الفسحة ( كني اشوفه يفتح باغة الزعتر ويتفل فيها قبل لا يدخل الصف

اما المدرسين والإداره فإستحدثوا له صف خاص سموه صف خامس (شين) >> من زود الشين اللي فيه..
بشرط انه يجلس بآخر الصف ويلقي مقفاه لجهة السبوره اما وجهه فيصير على الجدار شارع والخنفساء Confused

دخل شارع مرحلة المراهقه ...
زيادة على قبحه ..كبرت مناخره وشهب وجهه وشعره وصار يطلع له نفر واجد بخشمه وجبهته
>والله من سوالف تالي الليل
كان كل النفر يطلع ثم يجلس يحكهم لين ينشفون ويختفون
الا نفره نشبت لأمه بجبهته حاول فيها يمين يسار ما راحت وصار كل ما يحكه تنفقع وتطلع من باتسر أكبر
وصارت كنها مطبه بجبهته
فصاروا يعايرونه عيال حارته شارع ابو مطبه

لكن ولو..
بعد فتره اصبح له هيبته ومكانته بين عيال الحاره..
صح ان جسمه مو قوي مره
بس صار يستغل الشين اللي فيه .. كل ما زعله احد منهم..او بدوا يستخفون دمهم عليه..
قلب حجاج عيونه..وبأصابعه يمعط فتحات خشمه.يمين ويسار ) عاد تخيلوا وش الوجه اللي بيطلع لكم بعد ذي الحركه........ ويجلس يلاحقه والمسكين اللي زعله يشيب شعره وينهبل ويجيه البلش الله لا يبلانا
صاروا عيال الحاره كلهم ما ينامون ويتروعون بالليل والسبه هو

لكن بعد فتره..حس اخونا شارع
إنه محتاج لشيء من العطف والحنان
لشيء من
من
من الرقه..
من الألفه..

من..

من المحبـــــــــــــــــــــــه.

للأسف كان هالشي صعب عليه مره لضروف ما وده يكشفها
>>اشوا انها مكشوفه بوجهه خلقه شارع والخنفساء Grins

لكنه قرر يدخل تجربة حب سريعه يمكن ينجح فيها..

دخل المطبخ على شغالتهم وسكر الباب وقام يقردن فيها..وهو ماسك سكين المطبخ الصفرا شارع والخنفساء Copy%20of%20icon34

) لو طعن به علبة مناديل إنعفطت :/
فطلعت شغالتهم الفنسى تلعب كرتيه ولعنت خامس خامسه..وربطته بسيقانه وعلقته بمروحه المطبخ
وراحت نادت ابوه واخوانه كلهم وهو متدودل من مروحة المطبخ..نزلوه وطاحوا فيه ضرب وتوطوا بطنه لين قال آمين
وابوه يقوله يا خايس يا واطي ..يمكن اكون معك في الفكره..
بس ما لقيت إلا الخايسه ذي؟؟؟؟؟؟؟؟ )قالها وهو يتلفت يخاف مرته قشعه تسمع
وكان اكثر واحد متحمس وهو يجلده اخوه (999)
)اظن عنده سابق معرفه مع الشغاله ويبي يضيع السالفه
وجا خال العيال مسير هو وأهله وشافهم متحاشمين على الورع شارع وعلى طول فصخ عقاله وقلط مع العالم ضرب بظهر شارع وهو يسأل ابوه (وشهو مسوي؟) ..رد عليه ابو شارع..المخنز كان يراود شغالتنا عن نفسها..والجيران سمعوا الضرب وقلطوا كلهم ببيت ابو شارع ..هو يقهويهم وهم يدبجون بشارع..ويجلسون يسولفون وكلن ينشد الثاني عن اخباره وهو ماسك عقاله ويمسط بشارع المسيكين..

الميهم..مالكم بالطويله..الولد تسطر..وبعد ما تسطر..
تسسسسططططططررررررر..إلخ

طلع اخونا شارع للسطح يفكر هل ينتحر قبل الزقاره والا بعد الزقاره؟؟
والا موضوع الإنتحار الله لا يعوق بشر منتحر منتحر..

فقال يا ولد خل نمخمخ لنا على زقيره قبل هالموته ماهيب شينه والله
وجلس ينفخ ويشفط بالمرت

__________________
>>فاصل إعلاني.

.المرت شراب الزقرت
_________________

عدناااا

الميهم وجلس الرجال يدندن بينه وبين نفسه..
عااادك إلا صغير...بدري عليك الهوى
ذا جرح ماله دوى..يهز قلب الكبير..وش عاد قلبك؟؟!!
بحر المحبه غزير..قليل من قد نجااا
منه تعدى رسى..
خااااطر بحبه كثير..
أضعاف حبك؟؟!!

كان يغني ويدندن وعيونه تتابع خنفسا على جدار السطح تمشي خطوتين ثم يطيرها الهوى وتتعلق بطرف الجدار عاد شارع نط فيه عرق المنذله وجلس ينفخ بأفموه ..ولا طاحت..وطقها بإصبعه مثل الكيرم ولا طاحت طلع سيقانه وطلع فوق الجدار وهو يشوت فيها ولا تطيح..لين رفعت الخنفسا عيونه تناظر فيه كنها تقول (يالييييييييل على ذا الورعان)

ثم قالت له ..الحين انت متعب روحك على وشو؟ تراي خنفسا يعني حتى لو طحت اقدر اطير منيب من ربع الصراصير إن طحت على ظهري ما تعدلت هي هي هي الله لا يبلانا بس ( خنفسا وشمّاته
تروّع شارع..!!! وقالها: الحين انتي تحتسين مثلنا؟
قالت ..ايه انا اصلا كنت ساحره بس صارت لي مشاكل مع امير جني وقلبني خنفسا
والصراحه هانت علي مصيبتي يوم شفتك الحين...بالله من هاللي متشمكل معه وخلا وجهك تسذا ؟؟ ( ما تدري إن هذا وجهه من خلق.. شارع والخنفساء Grins

إنجرح شارع من كلمتها (عسى ما تعورت الكلمه؟....وعطاها آآآآآآآآآآآآآآه طويله طالعه من صدره..وقام يشكيلها ويعلمها وش جرا له بحياته ووش صار له من إنولد إلين تسطر بالمطبخ..وهي متراكيه وتتسمع لسالفته..ثم قالت..وش رايك باللي يفتح قدامك باب السعد والهناء والفرح..؟
شارع: انتي صادقه؟؟ شارع والخنفساء Confused

الخنفسا: لا انا حصه هاهاها ( محاولة تلطيف جو من الخنفسا
شارع: ثقللللللللللللللل دميييييييييييييييييي.... شارع والخنفساء 139

الخنفسا تحاول تتدارك الموقف: قصدي ما عليك ازهله وانا اختك بس (ما كنها تسبه؟
..انا الحين بأسوي لك الباب هذا..
وقامت طلعت من مخباه قلم رصاص ابو محايه اللي لونه ازرق مهوب الإتحادي ذاك..لا فيه فرق..المهم وجلست تخطط بالهوا وترسم وتطير ويطلع من جنحانه نجوم صغيره مثل أفلام كرتون لين اكتمل باب السعد قدامه ..وفتحته وقالت يالله رح بسرعه قبل لا يهب علينا الهوى ويطير..
وشارع قام يناقز من الفرحه..: من فين ابوسك يا خنفسا..بسرعه من فين ابوسك.. شارع والخنفساء Biggrin

الخنفسا: اععع الله يقرفك ترانا نتقرف منكم مثل ما تتقرفون منا..المهم ادخل الباب قبل لا تلوع تسبدي..
ويقمز شارع على الباب قدامه...بس كانت قمزه خطيره ..رواسيه..كنه طاب بمسبح..

و..

.وطررررررررربوووووووووووووووووووق ..بوق..بوق
) صوت جبهته يوم تواست بلاط الحوش....>> لا يفوتكم الصدى بس

والخنفسا تطل من فوق وتقول ..هيء هيء هيء ..معليش يمكن تتعور الحين..بس كمل مشوار سعدك هو السعد كذا يبدا من طيحه..وحامت حوله ثم طارت وابعدت..وهو متكسر ومنتهي بس استجمع قواه وعطاها تحيه اخيره بأصبعه الوسط قبل لا تطير..( امحق تحيه ... شارع والخنفساء Humm

طلع ابوه واخوانه من صوت الطيحه ويوم شافوا شارع بهالحاله قالهم ابوهم يالله يا عيالي مشينا بسرعه نوديه المستشفى لا تجيه الحصبه >> وانا اقول شارع منين وارث هالذهانه
وركبوا كلهم السيارة وهم بنص الطريق ويجي اخوهم الصغير فرامل قال يبه ما كننا ناسين شي
قال ابوه ..والله يا وليدي من مسكنا الخط وعيني اليسرى ترفل..أكيد أكيـــــد إني ناسين شي بس مدري وشو!!..
وجلس كل واحد يتفقد مخباه لا يكون ناسي محفظة والا مفتاح..عقبها صرخ ابوهم قاااااااال افاااااااا نسينا شارع بالحوش ما جبناوه معنا..
) مسكين هالشارع دايم مجحود حتى وهو مصاب

ويقلبها ابو شارع راليات وسباق فورملا ون لين اخذ ولده شارع ووداه للمستشفى
ويوم تم الكشف عليه قالوا ابد يالطيب ولدك ما فييه شي ابد ولكن يبدوا ان ضروسه امتصت كل قوة الإرتطام ولكن حنا بنحوله الآن لقسم الأسنان عند دكتورة سهام تكشف عليه
واول ما سمع شارع اسم سهام وهو اللي يون ويقول للدكتور ايه صدقت كل الأوجاع في ضروسي خاصتاً هالضرس ..وقام يأشر عليه
قال الدكتور يا ولدي انا فاهمك بعدين هذا خشمك مو ضرسك..لكن انت نام ولا تشيل هم
دفوه بالسرير لم الدكتوره سهام ..

كانت الدكتورة سهام تقرى كتاب بالوقت اللي دخلوا بشارع ساحبنه بالعربيه عليها..
وكانت متحجبه بس حاطه بوجهه الضماده مدري الكمامه..
المهم..وتبدا تكشف بأسنانه.... ولقت بأفمه حوسه وأغراض هذا غير ريحة فمه )وينتس يا ام صنون شارع والخنفساء Grins

آخر شي قفلت مع سهام ودخلت يدينه كلهم وجلست تطلع..هذا قشر برتقال..هذا مصاص سن توب..!! هذا عود اسنان..وعود اسنان ثاني..)شكله يوزيهم لا جت عزايم..
دخلت يده شوي داخل افمه..ورجل سهام واطيه على خد شارع..عشان التوازن..
وهو مييييت خقه وقلبه يطقطق اول مره يحس بالحنان الأنثوي..
وكل ما فركت بخشتة اكثر كل ما تولع قلبه اكثر حتى قال قصيده بهالمناسبه

ضاعت علومي يالعرب..وش ابدي؟؟؟
يوم الدكتورة سهام وطت على خدي..!!

وزززززززززززززززز
>>علاقة ملابس تطير طالعه من افمه..

سهام يا سهم في قلبي..
أدماه..ولا إبتقى باقي..
اعطيني ميتين وأعبي...
دم..من محطة اشواقي..
( ما تحسون إن اللي كتب ذا البيتين وكيل رقيب في القاعده الجويه؟

وزززززززززززززززززززززززززز
>>بريق فواح يطير من مخلفات كشتة السنه اللي فاتت..

التفتت سهام لشارع ...وقالت..
شارع والخنفساء Copy%20of%20icon201

:وش جاب كل الأغراض هذي بين ضروسك؟؟
شارع والخنفساء 060

: ابوي يقول مانبي نسوي مخزن عشان الخساير نحط حوستنا بثمك :/
شارع والخنفساء Copy%20of%20icon201

: طيب اسنانك ليش مغبره؟؟؟
شارع والخنفساء 060

: عمرتس شفتي مخزن نظيف؟؟ :$

شارع والخنفساء Copy%20of%20icon201

: ياااااااخي لا تجنني...اول مره اشوف واحد طالع بلسانه ضرس هالكبر وقامت تأشر بأبهامها
شارع والخنفساء 060

: يومني صغير كنت ادعك لساني بالفرشه وهو حسب إنه لثه وطلّع لي ضرس :$

راحت الدكتورة سهام تفتش بكل الكتب عن حاله مثل هالحاله..وتدور وتحوس..
ما خلت كتاب إلا وفصفصته ولا لقت حاله شبيهه بحاله شارع!!
وطلعت فوق المكتبه قالت يمكن فيه كتب فوق متوزيه تفيدني بهالخصوص..
ما درت إلا وتتزحلق وجت بتطيح ... شارع والخنفساء Confused

.
.
.
.
.

وبهذه الأثناء كان شارع يسوي حفريات بخشمه شارع والخنفساء 019

..ومستانس ورايق مره إلا وتطلع له الخنفسا ما غيرها تناديه..شارع شارع..قم يالخبل الدكتوره بتطيح الحين قم...وشارع يسوي نفسه ما يسمع ..
الخنفسا: شارع هذه فرصتك القطها وهي طايحه وشلها بحنان عشان تطيح في حبك ياله..وجلست تنغزه بالشوكه اللي معه..
قام فز شارع كنه ضاربه شوط كهرب..وقمز ذيك القمزه..
والدكتوره سهام إلى الحين متعلقه بالهوا بتطيح ...بتطيح...بتطيــــــــــــــح..

وشارع يحاول يقمز بس طرف ثوبه متعلق بالسرير الله يلعنه..
وجالس يجر ثوبه عشان يلحق على سهام قبل لا تطيح ..
بعدين تذكر انه سارق ساعة ولد جيرانهم سانيو اللي تشغل التلفزيون ..
قام اشر على سهام بساعته وضغط ميوت..وهي اللي تتعلق بالهوى ولا تتحرك..

قام فصخ ثوبه وبقى بالسروال والفنيله ( لزوم الإغراء...ثم طرقع ظهره ورقبته وعين من الله خير ....وقام يناظر في سهام وهي متعلقه بالهوى وفاتحه افمها تصارخ خخخخخخخ أحلى موقف كوميدي مر عليه..
والخنفسا فوق راسه تحوم..: شارع يا متخلف بسرعه شل الميوت وانقذها..
بس هو مسّكت معه إنه يروح آخر الغرفه ويجيها طاير ثم يشيل الميوت..ويلقطها..بزعمه مسوي اكشن
وكل هالزحمه صايره..وسهام إلى الحين متعلقه بالهوى..
ثم رجععع شارع آخر شي..وعض على فنيلته وأخذ وضعية الإستعداد..
ويررررررررركض وضغط الزر اللي يشيل الميوت..
وكملت سهام طيحتها..
..
..

..

...

بس ان شارع من قوة الركض احولت عيونه وبدال ما يلقط سهام لقط الكتاب :/
وسهام تطيح بالأرض
والخنفسا ماسكه راسه...وتلعن بشارع وبدلاخته..(الله لا يلومها حتى انا منقهر منه المعتوه.. شارع والخنفساء Copy%20of%20icon201

بس الغريب..
سهام قامت وهي منبهره وتطالع بشارع..(طبعا جالسه تحك *** من اثر الطيحه
وقالت له : شارع انت اخذت الكتاب وتركتني؟؟
شارع: قسم بالله ما اقصد انا ...بس...أحم..أ..
سهام: مو معقوله ابدا شارع والخنفساء Biggrin

..الحمد لله اخيرا لقيت فتى أحلامي اللي يقدر العلم والمعرفه ويحترمه اكثر من أي شي آخر...تعااااااااال حبيي شارع امممممممووووووواااااااااح..وتمطخه ذيك المطخه اللي من بعدها قلب مزيون سبحان الله..ووجه تورد وزانت خلوقه وبشرته تفتح لونه حتى طلعت له غمازات ما ناقصه الا يقول وش كثر اعاني.. سبحان الخالق
وعقبها تزوجوا وعاشو في سبات ونبات
وخلفو البنين والبنات..

عاد الله حق ما ادري هم تزوجو والا مخلين الدعوى فري شارع والخنفساء Confused

بس اخبر دايم بآخر القصص يخلون الأبطال يتزوجون..
وتوته توته..خلصت الحتوته..

الزبده....

عزيزي المواطن..عزيزيتي المواطنه...كونك شين هذا لا يعني عدم مقدرتك على مزاولة الحياة..
....
...

وإذا فات الفوت ما ينفع الصوت... آخر موعد للتسجيل يوم 1 ذي الحجه
)الأخيره برعاية حملة الإنتخابات البلدية

وشكرا

لسه ساطل
ألبي يديلك أمان.

متميز كالعادة يافيلسوف زماانكاجيب الكبسة

موضووووع جداً جميل يعطيك العافيه صحيح ان الموضوع يبي اجازه.....

لكن الفاااااصل الاعلاني رووووووعه..

والله موضوع خطير <<< لاواضح اني قاريه خخخخخخخخخخ

:oops:

شاكرين ابو حمد تقاعلك واهتمامك لهذا الطرح الزاحف نبي همه يازقرت
شكرا ابو حمد يا خنفسانه مدري خنفساء خخخخخخخخخ

ههههههههههههههههههههههههههههههههههههههههههههههههههههههههههههههههههههههه

تنسيم يبو سليمان لا تحرمنا من جديدكـــ lol!

الصراحة ابو غنيم طويل الموضوع ماعندنا شغل
الى الخفسانه وش صاربه شارع والخنفساء Copy

يا كثر قرقك ابو حمد تعرف اني ضارب صاروخين عشان امخخ في موضوعك
ههههههههههههههههههههه شارع والخنفساء Icon_bounce

شو هاض يا زلمة
شارع والخنفساء Icon_biggrin

هههههههههههههههههههههههههههههههههههههه

شارع والخنفساء Icon_biggrin